مسودّة، بانتظار مراجعة محامي. مش نهائية.
1. الخدمة
رنّة خدمة من SAHD (فلسطين): مساعد آلي بيرد على مكالمات المطعم، بياخد الطلب، بيقراه للمتصل، وبيبعته لشاشة المطبخ أو لنظام الكاشير. المطعم بيدير الخدمة من لوحة التحكم.
2. مسؤولية المطعم
- المنيو والأسعار والأصناف المتوفرة وأوقات الدوام ومعلومات المطعم كلها من المطعم، وهو المسؤول عن صحتها.
- المطعم مسؤول إنه يراجع الطلبات اللي بتوصله، ويتصل بالزبون إذا في إشي مش واضح.
- المطعم مسؤول إنه يبلّغ زباينه إنه الرد آلي، بالإضافة لجملة التعريف اللي المساعد بيحكيها بأول كل مكالمة.
3. حدود مسؤوليتنا
المساعد بيقرا الطلب كامل للمتصل وبيستنى موافقته قبل ما يبعته، وبيحوّل لموظف لما ما يفهم. مع هيك ممكن ينفهم طلب غلط. مسؤوليتنا عن طلب انفهم غلط بتتحدد بالنسخة النهائية من هالشروط بعد مراجعة المحامي.
4. الأسعار والفواتير
- قبل الاشتراك بنعرض الخدمة على المطعم مباشرة. المساعد بيرد على المكالمات الحقيقية بس بعد ما يبلّش اشتراك بباقة.
- الأسعار بالدولار وبدون VAT، والفاتورة بالشيكل بسعر صرف يوم الفاتورة + VAT. الأسعار الحالية على صفحة الأسعار.
- رسوم الإعداد:150 $، مرة وحدة.
- إذا الفاتورة ما انْدفعت، بنبعت تنبيه، وبعد فترة سماح الخدمة بتتوقف والمكالمات بتتحوّل لموظفين المطعم.
- المطعم بيقدر يطلب إلغاء الاشتراك بأي وقت. شو بصير بباقي الشهر المدفوع بتحدده النسخة النهائية.
5. إنهاء الحساب
لما الحساب ينتهي، بنوقف الرد على المكالمات، وبيانات المطعم بتنعامل حسب صفحةالاحتفاظ بالبيانات.
6. القانون الحاكم
القانون الحاكم ومكان حل النزاعات بيحددهم المحامي. المبدئي: فلسطين.