أسئلة

رنّة معمولة للعامية الفلسطينية والأردنية. جرّبناها بمكالمات تجريبية، ولسا ما اشتغلت مع متصلين حقيقيين. عشان هيك بنجرّبها على شغلك (المنيو أو المواعيد) قبل ما تشغّلها، وإنت بتحكم.

بتسأل المتصل مرة تانية. إذا ما فهمت مرتين، بتحوّل المكالمة لموظف عندك.

آه. أول جملة بكل مكالمة بتحكي إنها مساعد آلي، والجملة ما بتنشال. والمتصل بيقدر يطلب موظف بأي وقت.

لا، التسجيل الصوتي مطفي بالافتراض. اللي بينحفظ هو نص المكالمة مكتوب، عشان تراجع الطلب أو الموعد أو الشكوى من اللوحة.

مستخدمين حسابك باللوحة حسب دور كل واحد. وفريق الدعم عندنا بعرض للقراءة بس، وكل فتح مسجّل. الصوت ونص المكالمة بيمرّوا على مزوّد محرّك الصوت (OpenAI اليوم).

لا. شركة الاتصالات بتحوّل المكالمات على الخدمة، والمتصل بيتصل على نفس الرقم. وإذا وقّفت الخدمة، المكالمات بترجع لرقمك زي قبل.

بالمطعم: الأسعار والمجموع بيجوا من المنيو اللي إنت كاتبه، محسوبين بالسيرفر، مش من الموديل. إذا السعر بالمنيو غلط، بتصلّحه من اللوحة. وبالعيادة ما بتحكي أسعار إلا إذا إنت كاتبها بمعلومات العيادة.

ما بتاخد دفع ولا أرقام بطاقات. بالمطعم بتاخد طلبات استلام وتوصيل وبتحكي حالة الطلب، بس ما بتاخد حجوزات طاولات. بالعيادة بتحجز مواعيد وبتغيّرها وبتلغيها. وبالمطعم والعيادة بتجاوب من المعلومات اللي إنت كاتبها بس.

المساعد الآلي لهلأ للمطاعم والعيادات بس. باقي المصالح (شركات، مراكز تعليمية، صالونات، مكاتب عقارية) بتاخد قائمة تلفون بتوجّه المتصل لقسمه، وطوابير لموظفينك، وبريد صوتي، وتوجيه حسب ساعات الدوام. ما في مساعد آلي بياخد طلبات أو مواعيد عندهم.

بالمطعم: بتشتغل مع Foodics وOdoo. وإذا ما عندك نظام، الطلب بيوصل شاشة المطبخ بتأكيد من الموظف.

باقات شهرية بالدولار. وقبل ما تشترك، بنعرضها عليك مباشرة على شغلك.