مسودّة، بانتظار مراجعة محامي. مش نهائية.
المتصل بيعرف إنه بيحكي مع مساعد آلي
أول جملة بكل مكالمة بتحكي إنه اللي بيرد مساعد آلي. هالجملة جزء من الخدمة، والمطعم ما بيقدر يشيلها من الإعدادات.
المتصل بيقدر يطلب موظف بأي وقت
إذا قال «بدي موظف» أو إشي زيها، المساعد بيحوّله. وبيحوّل كمان لحاله لما ما يفهم مرتين، أو لما الطلب ما بيمشي.
الحساسية
المساعد ما بيجاوب عن الحساسية ولا عن مكونات الأكل لشخص عنده حساسية. بيحوّل المكالمة لموظف من المطعم، لأنه هاد سؤال بدّه جواب من حدا بيعرف المطبخ.
شو المساعد ما بيعمله
- ما بيبعت طلب قبل ما يقراه كامل للمتصل ويسمع منه موافقة.
- ما بيحسب الأسعار لحاله: الأسعار والمجموع من منيو المطعم، محسوبين بالسيرفر.
- ما بيحكي عن المطعم إلا من المعلومات اللي المطعم كتبها (الدوام، العنوان، الدفع…).
- ما بياخد أرقام بطاقات ولا دفع بالتلفون، وما بياخد حجوزات طاولات.
- برّا ساعات الدوام بيحكي إنه المطعم مسكّر وما بياخد طلب، وبيعرض إنه حدا من المطعم يرجعله.