مسودّة، بانتظار مراجعة محامي. مش نهائية.
الجهة المشغّلة: SAHD (فلسطين). المطعم هو صاحب بيانات زباينه، ورنّة بتعالجها نيابة عنه عشان تاخد الطلبات.
شو بنجمع
- رقم المتصل، عشان الطلب والاتصال بالزبون، وعشان نعرف إذا طلب قبل.
- نص المكالمة (transcript): الكلام مكتوب، مش الصوت.
- الطلبات: الأصناف، الاسم، وعنوان التوصيل إذا في.
- بيانات المطعم: المنيو، المعلومات، المستخدمين، والفواتير.
- التسجيل الصوتي مطفي بالافتراض. التفاصيل على صفحةتسجيل المكالمات.
مين بيعالجها
- مزوّد محرّك الصوت: OpenAI اليوم. الصوت ونص المكالمة بيمرّوا عليه عشان يفهم ويرد. سياسة الاحتفاظ واستعمال البيانات عند كل مزوّد لازم تنفحص قبل ما نعتمده، وإذا غيّرنا المزوّد بنحدّث هالصفحة.
- مزوّد السيرفر اللي عليه قاعدة البيانات. بنسمّيه هون لما ينحسم.
- شركة الاتصالات اللي بتوصل المكالمة (جوال).
مين بيشوفها
- مستخدمين المطعم باللوحة، كل واحد حسب دوره (مالك، مدير، موظف).
- فريق SAHD للدعم، بعرض للقراءة بس، وكل فتح مسجّل بسجل ما بينمحى.
وين محفوظة وقدّيش
على سيرفر الخدمة، ومعها نسخ احتياطية يومية. المدد على صفحةالاحتفاظ بالبيانات.
حقوقك
الزبون اللي اتصل بيقدر يطلب من المطعم يشوف بياناته أو يمحاها، والمطعم بيطلبها منّا. والمطعم بيقدر يصدّر المنيو من اللوحة، وباقي بياناته بنسلّمه إياها لما يطلب.
القانون
القانون الفلسطيني، وقانون حماية البيانات الشخصية الأردني رقم 24 لسنة 2023 لما نشتغل بالأردن. التفاصيل للمحامي.