خطوة خطوة
كيف بتشتغل
المتصل بيتصل على نفس رقم مصلحتك، والمكالمات بتتحوّل لـرنّة من شركة الاتصالات. المساعد الآلي للمطعم والعيادة.
خطوات المكالمة
1. بتعرّف عن حالها
أول جملة: إنها مساعد آلي لمصلحتك. المتصل بيعرف من البداية، وبيقدر يطلب موظف بأي وقت.
2. بتفهم شو بدّه المتصل
بالمطعم: بتدوّر بالمنيو تبعك وبتسأل عن الحجم والإضافات، والصنف اللي طفّيته من اللوحة ما بتبيعه. بالعيادة: بتسأل عن الخدمة اللي بدّه إياها، وما بتعطي نصيحة طبية.
3. بتاخد التفاصيل اللي بتلزم
بالمطعم: استلام أو توصيل، والعنوان، وإذا الزبون طلب قبل بتعرض عليه عنوانه المحفوظ. بالعيادة: الخدمة والطبيب واليوم والساعة، من الأوقات الفاضية بس، وبتقدر كمان تغيّر موعد أو تلغيه.
4. بتقرا الطلب أو الموعد كامل وبتستنى «آه»
ما بيتأكّد طلب ولا موعد قبل ما المتصل يسمعه كامل ويوافق. بالمطعم، المجموع محسوب بالسيرفر من أسعارك، مش من الموديل.
5. بيوصلك على طول
الطلب على شاشة المطبخ، أو على الكاشير عن طريق Foodics أو Odoo، أو بتأكيد من موظف. الموعد على جدول العيادة باللوحة. وطلب الاتصال الراجع باللوحة كمان.
إيمتى بتحوّل لموظف
- المتصل طلب موظف
- بتحوّله فوراً.
- ما فهمت مرتين
- بتسأل مرة تانية، وإذا ما فهمت التانية بتحوّل لموظف.
- بالعيادة: إشي طارئ
- ما بتحجز. بتحكي تعليمات الطوارئ تبعت العيادة، وبتحوّل لموظف.
- بالمطعم: سؤال عن الحساسية
- ما بتجاوب، وبتحوّل لموظف من المطعم.
- بالمطعم: المطعم مسكّر
- بتحكي ساعات الدوام، وما بتاخد طلب، وبتعرض إنه حدا يرجعله.
- شكوى
- بتكتبها طلب اتصال راجع باللوحة، مع الرقم وشو صار.
- سؤال ما إله جواب بمعلوماتك
- ما بتألّف جواب. بتحكي إنها مش متأكدة وبتعرض موظف أو اتصال راجع.
إنت بتشوف كل مكالمة
وبتتحكم من اللوحة
بتعدّل المنيو والأسعار وبتطفّي صنف خلص (بالمطعم)، أو الخدمات والأطباء والأوقات (بالعيادة).
بتكتب معلومات مصلحتك: الدوام، العنوان، الدفع. هاد اللي بتحكي منه بس.
بتقرا نص كل مكالمة، والطلب أو الموعد اللي طلع منها.
بتشوف طلبات الاتصال الراجع والشكاوى وبترجع للمتصل.
شوفها على شغلك
بنجهّز رنّة على المنيو أو المواعيد تبعتك، وإنت بتتصل فيها بنفسك.